【其實雞蛋駛唔駛雪架？】剛睇到讀者文摘一編文章，分析緊雞蛋駛唔駛放雪櫃。放雪櫃其中一個原因，係防止細菌滋生，特別係指沙門氏菌。文章提到，其實雞蛋生出黎既時候係有一層表皮，好難用眼睇到，而呢層表皮係可以防止細菌進出隻雞蛋。沙門氏菌感染雞蛋既途徑係由雞屎或雞籠環境接觸到雞蛋外殼而停留在那裡。當蛋殼破裂就進入雞蛋內繼續生長，或直接由蛋殼傳播比其他食物。如果隻蛋生左出黎之後冇被洗過，個層表皮應該可以防止沙門氏菌入侵，除非隻蛋裂左。咁既話，隻蛋唔雪都可以有一定抵禦沙門氏菌既能力。但係呢，有不少生產商為左都係減低沙門氏菌感染風險而在包裝前已經洗乾淨隻蛋。所以呢類產品就一定要雪，因為層天然保護表皮已經被洗走左。所以究竟雞蛋駛唔駛雪，就要睇下佢既生產過程係點，大家都係要根據包裝上既指引去處理。仲有就係話，雪住既蛋既保鮮期係可以長啲，呢樣都係要睇返生產商制定既最佳食用限期嘞。

詳文刊於：https://goo.gl/xPH51u

順便報告一下，最近本港有一單沙門氏菌確診個案，懷疑與雞蛋有關，值得參考一下。www.info.gov.hk/gia/general/201707/31/P2017073100897.htm